Ұлы іс отбасынан басталады
Астанада өткен брифинг барысында жемқорлық бойынша жүргізілген зерттеудің нәтижелері мен білім беру cаласында анықталған проблемалар көтерілді.
«Маусым айында ата-аналар арасында аноним түрде жүргізілген әлеуметтік сауалнама айына немесе аптасына қанша ақша жиналатынын білуге мүмкіндік берді. Нәтижесінде 1 000 теңгеден бастап 10 000 теңгеге дейін жинағандары анықталды. Сауалнама қорытындысы бойынша 100 адамның 87-сі өмірінде бір рет болса да мектепте ақша жинағанын айтты. Дәл осы дерек бізге жүйелі түрде жұмыс істеуге септігін тигізіп отыр», - деді Жазира Жылқышиева.
Оның айтуынша, Астанада ақпан айынан бастап Мемлекеттік қызмет істері және сыбайлас жемқорлыққа қарсы іс-қимыл агенттігі мен әкімдік өкілдері бірігіп «Астана - адалдық алаңы» жобасын жүзеге асырып жатыр.
«Көбіне ақшаны ата-аналар комитетіндегілер жинайды. Осы ретте жоба өкілдері Білім және ғылым министрлігіндегілерге ата-аналар комитетіне тыйым салу туралы ұсыныс жасады. Себебі ата-аналар комитетінің қызметі тұрмыстық жемқорлыққа себеп болып жатады», - деді ол.
Біз сіздермен «Otbasym.kz» порталындағы басты жаңалықтармен бөлісіп отырамыз
