Ұлы іс отбасынан басталады
Тіл үйренуде ойындардың пайдасы зор. Ойын балалардың тілді үйренуге деген сенімін оятады. Рөлдік ойындарда барлық балаға бірдей рөл тиеді де, міндетті түрде араласып сөйлеседі. Балалар белсенді жұмыс істеп, бір-біріне жәрдем беріп, жұмысын мұқият тыңдап, өздерін және қатарластарын бағалайды, тәрбиеші тек бағыттаушы болады. Ал қазіргі балалардың қабілет-қарымы қалай? Қарапайым күнделікті сабақты үш тілде жүргізсе, бала бойында күнде қайталанатын сөздер жаттанды сөзге айналып, санаға ерте жастан тоқыла береді.
Жаһандық эволюцияға қадам басқан ХХІ ғасыр ғылым мен технологияның майын шағып, жілігін ішетін, адам емес, заттық құрылғылар басқаратын әлемде өмір сүруге жетелейді. Кемел жетістікке жетудің бірден-бір кілті – бірнеше тіл білу және оны ел игілігі үшін тиімді қолдану. Санадағы ақыл, қажырлы төзім мектепке дейінгі тәрбиеленушіден басталады. Елдің көптілділігі бүгінгі жас өреннен бастау алады. Шет тілін ерте білу бала бойындағы ақылдылық пен табандылыққа бір қадам жақындататын жол секілді. Бірнеше тіл білу – жаңаша көзқарас пен жаңаша ойлаудың алтын көпірі.
Egemen.kz
Біз сіздермен «Otbasym.kz» порталындағы басты жаңалықтармен бөлісіп отырамыз
