Жауынгерлік парадқа дайындық қызу жүріп жатыр

Жауынгерлік парадқа барлығы 7 мың әскери қызметші, 400-ден астам бронды машиналар, автотехникалар, 80-нен астам ұшақтар мен тікұшақтар қатысады.

Әскери бөлімшелер қазіргі таңда Құрлық әскерлері мен Әуе қорғанысы күштері жарақтанған қазіргі заманғы қарулар мен техникаларды іс жүзінде қолдануда тактикалық шеберліктерін көрсететін болады.

Жаттығу барысында сап түзеу тәртібі нақтыланып, парадқа қатысушылармен сәлемдесу тәртібі, туды шығару элементтері, сондай-ақ жеке құрамның салтанатты маршпен жүріп өтуі пысықталатын болады.

«Құрлық әскері бөлімдерінің оқу-жаттығу атуларына дайындық шаралары жүргізілді. Олардың қатарында Т-72 танкілері, жаяу әскерлердің соғыс көлігі, «Арлан» жауынгерлік көлігі және десанттық шабуылдау жасақтарының зенитті бөлімдері бар»-деді ол.

ҚР ҚМ Баспасөз орталығы