Бала тәрбиесіне керекті 10 ақыл-кеңес

Бала тәрбиесі көп еңбектенуді талап етеді. Бұл кеңестер ата-аналарға дені сау, жауапкершілігі мол балаларды тәрбиелеп өсіруге септігін тигізер деген оймен жариялап отырмыз.

Автор: Отбасым

2018-07-24

Мәдениет

2018-07-24

Бала – біздің айнамыз. Олар ең алдымен ата-анасынан үлгі алатынын және көп жағдайда біз өмірде қандай қадамдар жасасақ, олар да сондай қадамға баратыны есте жүрсін.
Балаңызбен әңгімелесу нәтижелі болуы үшін, ең алдымен ашық жарқын сенімге құрылған риясыз әдісті таңдаңыз. Сіздің сөздеріңіз қатал естілуі мүмкін, бірақ ешқашанда ауыр әрі өрескел болмауы керек. Ақырын әрі сенімді айтылған әңгіме ғана ата-ананың талаптары мен ойларын балаға жеткізе алады.
Балаңыз үшін керек уақытта қажетті ақыл қосатын, оның қадамдарын айыптамайтын ең жақын досына айналыңыз.
Өзін және оны қоршаған адамдарды жақсы көруге үйретіңіз. Бұл оны өзіне өте сенімді адам ретінде қалыптастырып, қоршаған ортамен байланысын жолға қоюға көмек береді.
Бір мезетте қатал да мейірімді бола біліңіз. Егер сіз балаңызға деген ыстық ықыласыңызды үнемі білдіре отырып, тек керек уақытында ғана ұрсатын болсаңыз, онда бұл сіздің тәрбиеңіз барысында міндетті түрде жемісін береді.
Оған өмірдегі өз ұстанымына тұрақты болуды үйретіңіз.
Өзіңіздің бос уақытыңызды үнемі балаңызбен өткізуге тырысыңыз. Ондай сәттер баланың өзіндік орнын сезініп өсуге мүмкіндік береді.
Оның таңдауы мен пікіріне құлақ түріңіз. Тіпті сіз онымен келіспейтін болсаңыз да, оны ешуақытта сынамаңыз.
Оны өз қадамдары үшін жауап беруге үйретіңіз. Оның өзін емес, әруақытта жақсы қадамын бағалап, егер ол дұрыс емес нәрсе болса, қателігін көрсетіңіз, оның орнында өзіңіз болғанда былай істер едім деп, таңдау және шешім қабылдау құқығын оның өзіне қалдырыңыз.
Балаға үш негізгі қасиетті дарытуға міндеттісіз: шешім шығару, құрмет, жауапкершілік. Қандай жағдай болса да, еңсесін тік ұстайтын, жан-жағындағыларға құрметпен қарайтын және өз қадамдары үшін жауап бере алатын адамдар көп жағдайда табысқа жететіні белгілі.

Бала Тәрбиесі Ақыл-Кеңес Саналы Ұрпақ

Жаңа материалдар

Бала тәрбиесіне керекті 10 ақыл-кеңес

Басқа ұлтқа қыз бермеу дәстүрін қатты ұстанып келеміз

«Егер адам талантты болса, барлық жағынан талантты» - Е. Бақтыгерей

Қоғамдық денсаулық сақтау ұлттық орталығы және БҰҰ Балалар қоры Өзара түсіністік туралы меморандум жасасты

Астана – балалар көзімен

Үздік мақалалар

Бала тәрбиесіне керекті 10 ақыл-кеңес

Жаңалықтарға жазылу